GM Uzbekistan автомашиналаридаги туманга қарши чироқлар йўқлиги ҳақидаги маълумотни рад этди
Тошкент. 11 апрель. ЎзТАГ – GM Uzbekistan компанияси Монополияга қарши кураш қўмитасининг автомашиналардаги туманга қарши чироқлар йўқлиги ҳақида маълумотини рад этди, дея хабар беради Ўзбек телеграф агентлиги (ЎзТАГ) хабар бермоқда.
“Биз автомобилларни туманга қарши фараларсиз харидорларга етказилиш ҳолатлари мазкур бутловчи қисмнинг етказиб берилишида кечикиш юзага келганлиги сабабли харидорларни огоҳлантирган ва улар билан келишилган ҳолда амалга оширилганмиз”, - дейилади компания матбуот хизмати хабарида.
Юқорида таъкидланганидек, автомобилларни ўз вақтида етказиб беришни таъминлаш мақсадида компания мижозларга вақтинча туман ёритмасисиз уларни қўшимча ўрнатиш шартлари билан автомобилларни беришга қарор қилди.
“Монополияга қарши кураш қўмитасининг талабига биноан туманга қарши ёриткичларини етказиб бериш тўғрисидаги маълумот тўғри эмас, чунки бу автомобилларга мазкур бутловчи қисмларни ўрнатиб бериш GM Uzbekistan компаниясининг назорати остида бўлиб, бу ҳақда компаниянинг мижозлари хабардор қилинган”, - деб қайд этилади хабарда.
Эслатиб ўтамиз, 9 апрель куни бир қатор ОАВида Ўзбекистон Республикаси Монополия қарши курашиш қўмитаси томонидан 2018 йилда GM Uzbekistan томонидан сотилган Нехиа-3 (2-позиция) моделининг 6506 дона автомобилларида туманга қарши ёриткичларсиз етказиб берилганлиги ҳолатлари аниқланганлиги бўйича хабар эълон қилинган эди. Қўмита GM Uzbekistan АЖдан истеъмолчиларнинг 2,5 миллиард сўмдан ортиқ миқдордаги зиённи қоплашни талаб қилди.
Сурат манбаи: ravonn.ru
