GM Uzbekistan автомобиллар беришга шартномалар тузишни уч кунга тўхтатди
Тошкент. 29 май. ЎзТАГ – GM Uzbekistan автомобиллар беришга шартномалар тузишни уч кунга тўхтатди, деб хабар беради Ўзбек телеграф агентлиги (ЎзТАГ).
“GM Uzbekistan” АЖ томонидан қолдиқ автомобиллар инвентаризациядан ўтказилиши муносабати билан 2017 йилнинг 29-31 май кунлари янги шартномаларни тузиш ва автомобилларни тарқатиш вақтинча тўхтатилади”, - дейилади компаниянинг Фейсбукдаги саҳифасида чоп этилган хабарда.
Шунингдек, “инвентаризация ишлари якунланганидан сўнг тўлов амалга оширилган шартномалар бўйича автомобиллар шартномада кўрсатилган нархларда тақдим этилади”, - деб ҳам қайд этилади.
Эслатиб ўтамизки, харидор олдиндан тўловнинг белгиланган энг кам қийматини (85% тенг) ёки шартномада кўрсатилган автомобиль нархини тўлиқ ҳажмда тўлаган тақдирда автомобиль учун тўлов амалга оширилган деб ҳисобланади.