GM Uzbekistan АЖ Россияда 6,22 мингдан зиёд Ravon автомобилларин сотди

Тошкент. 14 август. ЎзТАГ – АЖ 2017 йилнинг январ-июл ойларида GM Uzbekistan Россияда 6,22 мингдан ортиқ Ravon автомобилларини сотди, деб хабар қилади UzDaily.uz Европа бизнеси ассоциациясининг автомобиль ишлаб чиқарувчилар қўмитасига асосланган ҳолда.

Қўмита маълумотларига кўра, GM Uzbekistan компанияси 2017 йилнинг июлида Россияда 1,27 мингдан ортиқ Ravon автомобилларини ўз харидорларига етказиб берган.

GM Uzbekistan’нинг Россия бозоридаги улуши 2017 йилнинг етти ойи якунлари бўйича 0,7%ни ташкил этди, дейилади қўмита хабарида.

GM Uzbekistan АЖ 2017 йилнинг январ-июл ойлари якунлари бўйича Россияда автомобиллар сотуви ҳажми бўйича 21-ўринни эгаллаган. Унинг ҳеч бир модели ҳисобот даврда энг кўп сотилган Топ-25 автомобиллар рўйхатига кирмаган.