GM Uzbekistan Chevrolet Malibuни ишлаб чиқаришни тўхтатади

Тошкент. 7 декабр. ЎзТАГ – GM Uzbekistan моделлар қаторини янгилаш борасидаги стратегиясига мувофиқ Chevrolet Malibu автомобилларининг ҳозирги авлодини ишлаб чиқаришни тўхтатиши ҳақида эълон қилди, деб хабар беради Ўзбек телеграф агентлиги (ЎзТАГ).

“Ушбу моделдаги автомобилларни харид қилиш учун шартномалар тузиш 2018 йилнинг 31 декабрига қадар давом этади”, - дейилади хабарда. 

Шунингдек, компания “GM Uzbekistan дилерлик корхоналари билан биргаликда харидорлар олдидаги мажбуриятлари бажарилишини тўлиқ таъминлайди ҳамда аввал шартнома тузган харидорларга автомобиль тўлиқ ҳажмда етказиб берилади”, - деб ваъда берган.

Қўшимча ўрнида, бир ярим йил олдин, 2017 йил апрелда GM Uzbekistan янги авлод Chevrolet Malibuни ишлаб чиқаришни бошлагани ҳақида маълум қилган эди.

Ўшанда бизнес-классдаги янгиланган Chevrolet Malibu седанини йирик қисмлардан йиғиш (SKD) GM Uzbekistanнинг Тошкентдаги филиалига юкланган эди.

Сурат манбаи: https://www.nitro.pe