GM Uzbekistan Damas ишлаб чиқаришни Хоразм вилоятига ўтказишнинг иккинчи босқичини якунламоқда

Тошкент. 7 август. ЎзТАГ - GM Uzbekistan ҚК Damas микроавтобусларини ишлаб чиқаришни “Хоразм автомобил ишлаб чиқариш бирлашмаси” МЧЖ базасига ўтказиш лойиҳасининг иккинчи босқичини 2014 йил сентябрда якунлашни режалаштирмоқда, деб хабар қилди “Правда Востока” газетаси.

Корхона лойиҳанинг биринчи босқичини 2014 йилнинг биринчи чорагида якунлади. Ишлаб чиқаришнинг лойиҳа қуввати – йилига 40 минг минивэнга тенг. Киритилаётган сармоя ҳажми - $55,5 млн.

Корхона илгари Damas минивэнини Асакадаги (Андижон вилояти) заводда ишлаб чиқарар эди. Ишлаб чиқаришни янги жойга ўтказиш GM Uzbekistan ишлаб чиқариш линияларининг кенгайиши билан боғлиқ.

“Биринчи босқични бажариш жорий йилнинг биринчи чорагига мўлжалланган эди, лекин у февралда якунланди. Иккинчи босқич тўртинчи чоракда тугалланиши лозим эди,

лекин у сентябрда якунланади”, - деди GM Uzbekistan ҚК ишлаб чиқариш бўлимининг бош технологи Хасанбой Қосимов.

Биринчи босқич давомида “Хоразм автомобил ишлаб чиқариш бирлашмаси” МЧЖ базасида Damasни йиғиш линияси яратилди. Иккинчи босқичда Damas тўлалигича шу ерда ишлаб чиқарилади.

Эслатиб ўтамизки, Ўзбекистонда Damas 1996 йил мартдан бери асакадаги GM Uzbekistan автомобил заводида ишлаб чиқарилади. 2006 йилда корхона Damasнинг янгиланган моделини ишлаб чиқара бошлади, деб ёзади газета.