GM Uzbekistan иккинчи чорак якунида Nexiaнинг ўрнини босувчи автомобилни ишлаб чиқаришни бошлаш ниятида

Тошкент. 10 март. ЎзТАГ – GM Uzbekistan компанияси машҳур Nexiaнинг ўрнини эгалловчи “Т-250” автомобилини ишлаб чиқаришни ўзлаштириш лойиҳасини якунламоқда, деб хабар беради Ўзбек телеграф агентлиги (ЎзТАГ) “Ўзавтосаноат” АК Ахборот хизматига асосланган ҳолда.

“Россия ва МДҲ мамлакатларидаги ўз мавқеини сақлаб қолиш, савдо ҳажмини ошириш мақсадида... машҳур Nexia моделининг ўрнини эгалловчи “Т-250” автомобилини ишлаб чиқаришни ўзлаштириш лойиҳасини якунламоқда. Янги Т-250 автомобилини ишлаб чиқариш ва экспорт қилиш 2016 йилнинг иккинчи квартали сўнгига мўлжалланган”, - деб таъкидланади компания хабарида.

Бундан ташқари, GM Uzbekistan Matiz автомобили эса автоматик трансмиссия, хавфсизлик ёстиқчалари, ABS тормоз тизими, кундузги чироқлар, навигация тизими билан таъминлаш ишлари давом эттирилмоқда. Шунингдек, двигатель ҳажми 1,25 литр бўлган, автомат узатмалар қутиси билан ҳамоҳангликда ишлайдиган М300 (Spark) моделини ишлаб чиқаришни ўзлаштириш, шунингдек, экспорт учун ишлаб чиқарилаётган барча енгил автомобилларга ЭРА-ГЛОНАСС тизимини ўрнатиш лойиҳаси ҳам компания томонидан ўзлаштирилмоқда.