GM Uzbekistan Россияга “Ravon R2” автомобилларини жўнатишни бошлади
Тошкент. 17 май. ЎзТАГ – GM Uzbekistan АЖ Россияга “Ravon R2” автомобилларини жўнатишни бошлади. Истеъмолчилар биринчи машиналарни май охирига қадар оладилар, деб хабар беради Ўзбек телеграф агентлиги (ЎзТАГ).
“Ravon R2 модели ташқи ва ички томондан янги дизайнга эга, тежамкор 1,25 литрлик B-DOHC двигатели ва янги авлоддаги автоматик трансмиссия билан жиҳозланган. Модел комплектацияси яхшиланган шовқин изоляцияси, янгиланган асбоблар панели ва янги аудиотизимни ўз ичига олган. Жорий йилнинг охиригача ҚК бу автомобиллардан 2500 дона сотмоқчи”, - деб таъкидланади “Ravon” брендининг Россиядаги сайтида.
GM Uzbekistan чиқарадиган кейинги модел Nexia седани бўлади. Ўзбекистонда бу модел “Chevrolet Nexia” сифатида, асосий хорижий бозорларда эса “Ravon Nexia R3” сифатида сотилади.
Айни вақтда Асакадаги заводда (Андижон вилояти) юқоридаги икки янги моделни ишлаб чиқариш учун зарур бўлган барча тушириш-созлаш ва синов ишлари якунланди.
GM Uzbekistan “Ravon” дилерлик тармоғини кенгайтиришни ва “Ravon R4” моделини ишлаб чиқариш билан моделлар қаторини янгилашни давом эттиради. Жорий йилда”Ravon” бренди қўшимча равишда МДҲнинг бошқа бозорларида, жумладан, Қозоғистонда сотила бошлайди.
