GM Uzbekistan уч ойда Россияда 1,6 мингдан зиёд Ravon автомобилларини сотди
Дата: 18:06, 11-04-2017.
Тошкент. 11 апрел. ЎзТАГ – 2017 йилнинг январ-мартида GM Uzbekistan АЖ Россияда 1629 Ravon автомобилларини сотди, деб хабар беради Ўзбек телеграф агентлиги (ЎзТАГ) Европа бизнеси уюшмаси автоишлабчиқарувчилар қўмитасига асосланган ҳолда.
Қўмита маълумотларига кўра, март ойида GM Uzbekistan компанияси 678 та Ravon автомобилларини сотган.
Айни пайтда GM Uzbekistanнинг россия бозоридаги улуши 2017 йилнинг январ-мартида 0,5% ташкил этган.
2017 йилнинг январ-марти якунлари бўйича GM Uzbekistan АЖ Россияда автомобиллар сотиш ҳажми бўйича 24-ўринни эгаллаган. Лекин GM Uzbekistan моделларининг биттаси ҳам ҳисобот даврида энг кўп сотилган Топ-25 автомашиналар рўйхатига кирмаган.
