Гулнора Каримова АҚШнинг санкциялар рўйхатига тушди
Тошкент. 22 декабр. ЎзТАГ – Ўзбекистоннинг биринчи президентининг катта қизи Гулнора Каримова “Магнитский қонуни” доирасида АҚШнинг санкциялар рўйхатига тушди, деб хабар беради Ўзбек телеграф агентлиги (ЎзТАГ).
Дональд Трамп 21 декабрда бунга доир тегишли фармонни имзолади ва у молия вазирлиги сайтида чоп этилган.
АҚШнинг ҳисоблашича, у “давлат ресурсларидан бизнесни экспроприация қилиш, бозорларни монополлаштириш, порахўрлик ва рэкет мақсадларида фойдаланиш учун кучли уюшган жиноий гуруҳ”га раҳбарлик қилган.
Санкцияга тушганлар рўйхатда РФ бош прокурорининг ўғли Артем Чайка, Гамбиянинг собиқ президенти Яйя Жамме, исроилллик миллиардер Дан Гертлер, серб тадбиркори Слободан Тешич ва киевнинг “Беркут” бўлинмасининг собиқ қўмондони Сергей Кусюклар ҳам бор.
Санкциялар рўйхатдагиларнинг АҚШ юрисдикциясидаги барча активлар блокланиб, Америка фуқароларига санкцион рўйхатдаги шахслар ва ташкилотлар билан ҳар қандай шартномаларни тузиш тақиқланишини англатади.
“Бугун Қўшма Штатлар ушбу ёмон шахсларни АҚШ молия тизимидан чиқариб юборган ҳолда бутун дунёда инсон ҳуқуқларининг суиистеъмол қилиниши ва коррупцияга қарши қатъий курашмоқда. Ғазначилик департаменти уларнинг активларини музлатиб қўяди ва улар томонидан содир этилган кишини ғазаблантирувчи ҳаракатларни ошкора муҳокама қилади, уларнинг ҳуқуқбузарликлари учун улкан нарх ҳақида хабар беради”, - деди молия вазири Стивен Мнучин.
Эслатиб ўтамизки, 2017 йил июлда Ўзбекистон Бош прокуратураси Гулнора Каримовага нисбатан иккита жиноий иш қўзғатилгани, давлат ва фуқаролар манфаатларига етказилган зарар миқдори эса 3,7 трлн сўмдан ошишини билдирган эди.
Сурат манбаи: http://www.kasparov.ru/material.php?id=51E12A66BD4E4
