“Hamkorbank” ўзбек банки номини ўзгартирди

Тошкент. 21 январ. ЎзТАГ – “Hamkorbank” ўзбек банки ўз номини Чет эл капитали иштирокидаги “Hamkorbank” акционерлик тижорат банкига ўзгартирди, дея хабар беради Ўзбек телеграф агентлиги (ЎзТАГ).

Бунга доир маълумот банк сайтида мавжуд.

Банкдан хабар қилишларича, юқоридаги ўзгартириш 2014 йил 5 декабрда Ўзбекистон Республикаси Марказий банки (ЎМБ) томонидан рўйхатга олинган банкнинг янги таҳрирдаги Низомига ва ЎМБнинг 2014 йил 13 декабрдаги банк операцияларини амалга оширишга доир 64 сонли лицензиясига мувофиқ киритилган.

Эндиликда банкнинг тўлиқ номи ўзбек тилида “Чет эл капитали иштирокидаги “Hamkorbank ” акциядорлик тижорат банки” (“Hamkorbank” АТБ), рус тилида “Акционерно-коммерческий банк “Hamkorbank ” с участием иностранного капитала” (АКБ “Hamkorbank ”), Инглиз тилида “Joint Stock Commercial Bank with Foreign Capital “Hamkorbank” (JSCB “Hamkorbank”) каби аталади.

“Hamkorbank” АТБ 1991 йилдан бери фаолият юритиб келади ва 20 йилдан бери республиканинг барча вилоятларни қамраб олувчи филиаллар тармоғини қурди. Ҳозирда банк 197 хизмат кўрсатиш нуқтаси, булар орасида 30 филиал, 150 минибанк, 17 тўловлар қабул қилиш пунктига эга. Шунингдек, банк 8 шўъба корхоналари ҳам ташкил этган.