Heidelberg Cement AG компанияси Ўзбекистоннинг таклифини кўриб чиқмоқда
Тошкент. 17 июл. ЎзТАГ – Таниқли немис ишлаб чиқарувчиси Heidelberg Cement AG ширкатига Ўзбекистоннинг цемент, бетон ва бошқа қурилиш материаллари ишлаб чиқариш бўйича корхоналарининг давлат улушлари ва хусусий корхоналаридаги активларини сотиб олиш таклиф этилди, деб хабар беради Ўзбек телеграф агентлиги (ЎзТАГ).
Давлат рақобат қўмитасидан хабар беришларича, ушбу масала қўмита раиси Даврон Ҳидоятов ва немис ширкатининг вакили Роман Кемпе ўртасидаги учрашувда муҳокама қилинган.
Heidelberg Cement AG вакили ташрифидан кўзланган мақсад – Ўзбекистонда цемент ишлаб чиқариш бўйича янги корхоналар барпо этиш имкониятларини ўрганишдан иборат.
Эслатиб ўтамизки, Heidelberg Cement AG цемент ва бетон ишлаб чиқариш бўйича дунёдаги энг йирик компаниялардан бири. Ширкат 28 минг корхонага эга бўлиб, 40 ошиқ мамлакатда ваколатхоналарга эга. 2014 йилда компания айланмаси 15 млрд евродан ошган.
