Игорь Манн Avtotest компаниясининг расмий маслаҳатчиси бўлди
Тошкент. 30 июл. ЎзТАГ – Таниқли россиялик маркетолог Игорь Манн Avtotest компаниясининг расмий маслаҳатчиси бўлди, деб хабар беради Ўзбек телеграф агентлиги (ЎзТАГ).
“Игорь Борисовичнинг Avtotest компанияси вакиллари билан учрашувида биз уни лойиҳаларимиз билан таништирдик ва ундан ижобий фикрлар эшитдик”, - дейилади компаниянинг Facebookдаги хабарида.
Шунингдек, Avtotestнинг Игорь Манн билан ҳамкорлиги ҳар икки томон учун фойдали бўлишига умид билдирилади.
Эслатиб ўтамизки, бугунда Игорь Манн Россияда маркетинг бўйича энг таниқли амалиётчи тренерлардан биридир. У 1993 йилдан бери маркетинг билан шуғулланади. Россия Маркетологлар гилдияси томонидан “Йил маслаҳатчиси” деб топилган. У “100% маркетинг”, “Бюджетсиз”, “Маркетинг Машина” китоблари муаллифи. Шунингдек, “Манн, Иванов ва Фербер” ишбилармонлик адабиётлари нашриёт уйининг таъсисчиларидан бири. Игорь Манн американинг Lucent ва Avaya компанияларида 12 йил тажрибага эга бўлиб, бундан 5 йил давомида маркетинг бўйича директор бўлиб ишлаган.
