Ихчам ўзбек автомобилининг ташқи кўриниши янгиланиб, қўшимча ускуналар ўрнатилади
Тошкент. 4 ноябр. ЎзТАГ - Ravon Matiz субкомпакт ўзбек хэтчбекининг ташқи кўриниши янгиланиб, қўшимча ускуналар олади, деб хабар беради Ўзбек телеграф агентлиги (ЎзТАГ).
АвтоСреда.ру портали маълумотларига кўра, рестайлингдан сўнг Matiz ҳайдовчи ҳавфсизлик ёстиқчаси, ABS, иммобилайзер ва Isofix болалар ўриндиғи ўрнатгичи билан жиҳозланади. Шунингдек, янгиланган машинанинг кундузги чироқлар, орқа кўринишни берувчи ойналари дизайни ўзгаради, салонда янги олди ва орти ўриндиқлари пайдо бўлади.
Компания модел моторларидаги ўзгаришларни очиқламади.
Порталга кўра, рестайлинг қилинган Ravon Matiz машинаси 2016 йилдан бошлаб Россия автобозорларига чиқарилади. Шунингдек, янгиланган Gentraни ҳам ўшандан бошлаб сотиб олиш мумкин бўлади.
“2016 йилда Ravon Nexia R3 янги седани ҳам етиб боради. унинг нархлари эълон қилинган. R2 ва R4 седанлари аслида янгиланган Chevrolet Aveo (иккинчи авлод), Spark ва Cobaltлардир. Барча Ravon автомобиллари Россияга Ўзбекистондан олиб борилади”, деб ёзади АвтоСреда.ру.
Эслатиб ўтамизки, кузда Москвада россия бозори учун чиқарилган янги Ravon брендининг тақдимоти бўлиб ўтган эди. Ravon аслида Daewoo бренди ўрнига келди. Ҳозирча янги марка Россияда Gentra седани ва Matiz билан тақдим этилган.
