Иккинчи чоракда “Ўзбек Лизинг Интернешнл А.О.”нинг соф фойдаси деярли 85% кўпайди
Дата: 09:42, 22-07-2015.
Тошкент. 22 июл. ЎзТАГ – 2015 йилнинг иккинчи чорагида “Ўзбек Лизинг Интернешнл А.О.” қўшма корхонаси 6,73 млрд сўм миқдорда соф фойда олди ва бу кўрсаткич жорий йилнинг биринчи чорагидагига қараганда 84,7% ўсди, деб хабар беради Ўзбек телеграф агентлиги (ЎзТАГ).
Компаниянинг соф тушуми 73,1% ўсиб, 11,5 млрд сўмни ташкил қилди.
Компания активлари миқдори чорак якунига бориб 113,82 млрд сўмни (+24,1%), низом капитали 5,13 млрд сўмни, заҳира капитали 1,12 млрд сўмни (+45,7%) ташкил қилди.
Эслатиб ўтамизки, “Ўзбек Лизинг Интернешнл А.О.” 1995 йилда ташкил этилган. Компания акционерлари Ўзбекистон ТИФ Миллий банки (35%), Maybank (Malayan Banking Berhad, Малайзия) (35%) ва Ўзбек-Уммон инвестиция компаниясидир (30%).
