Илҳом Норқулов Ўзбекистон МБ бошқаруви раисининг ўринбосари этиб тайинланди
Дата: 14:31, 16-04-2018.
Тошкент. 16 апрел. ЎзТАГ – Ўзбекистон Президентининг фармони билан Илҳом Норқулов мамлакат Марказий банки (МБ) бошқаруви раисининг ўринбосари этиб тайинланди, деб хабар беради Ўзбек телеграф агентлиги (ЎзТАГ) МБ матбуот хизматига таянган ҳолда.
Аниқлаштирилишича, И. Норқулов (1981 й.т.) Тошкент давлат иқтисодиёт университетида “Халқаро иқтисодий алоқалар” йўналишида олий маълумот олган бўлиб, Глазго университетининг (Буюк Британия) “Иқтисодий ривожланиш” йўналишида магистр даражасига эга.
Шунингдек, у Ўзбекистон Молия вазирлиги тизимида ва иқтисодиётнинг ишлаб чиқариш секторида тажрибага эга.
И. Норқулов МБдаги ишини 2010 йилда бош иқтисодчи лавозимидан бошлаган, 2013-2018 йилларда эса монетар сиёсат департаментини бошқарган.
Сурат манбаи: http://24post.uz/UZ/8113
