Ҳинд фармацевтлари Ўзбекистонга ташриф буюрадилар
Тошкент. 18 феврал. ЎзТАГ – Ҳиндистон фармацевтика маҳсулотлари экспортини илгари суриш бўйича кенгаш – Pharmexcil ташкилот бош директори Венкат Аппажи бошчилигидаги ҳинд тадбиркорларининг Ўзбекистонга ташрифини уюштиришни режалаштирмоқда, дея хабар беради Ўзбек телеграф агентлиги (ЎзТАГ).
Бу ҳақидаги маълумот Ўзбекистон Савдо-саноат палатаси (ССП) сайтида мавжуд.
2015 йилнинг 8 – 11 март кунлари амалга ошириладиган ташриф доирасида Ўзбекистонга дори воситалари – антибиотик, витамин, вакциналар, вирусга қарши, аллергияга қарши ва бошқа дори воситалари, тиббий ускуналар ва асбоблар ишлаб чиқариш билан шуғулланувчи ҳинд бизнесменлари ташриф буюрадилар.
Делегация ўзбек ва ҳинд тадбиркорлари ўртасида бизнес-форум ва икктомонлама музокаралар ўтказишни редалаштирмоқда. Музокаралар доирасида тармоқнинг долзарб муаммолари ва иккитомонлама ҳамкорлик имкониятлари муҳокама қилинади. Палата манфаатдор компанияларни тадбирда иштирок этишга такдлиф қилади, дейилади ССП хабарида.
