Инха Университети тайёров курсларининг энг яхши тингловчилари ОТМга имтиҳонларсиз кириши мумкин

Тошкент. 20 июн. ЎзТАГ – Тошкентдаги Инха Университети (IUT) қошидаги Узлуксиз таълим маркази Тайёров курсларининг энг яхши тингловчилари ушбу ОТМга имтиҳонларсиз кириши мумкин, деб хабар беради Ўзбек телеграф агентлиги (ЎзТАГ).

IUT матбуот хизматининг маълумотига кўра, 19 июн куни бу ерда тингловчилар орасида якуний имтиҳонлар ўтказилди. Бугунги кунда марказ математика, физика ва инглиз каби фанлардан ўқув курсларини таклиф этади. Ҳар уч ойлик муддатда тингловчилар оралиқ назорат топширишади ва фақат муваффақиятли тингловчиларгина ўқишни давом эттиришади.

2017 йилнинг сентябр ойида 460 нафарга яқин ёшлар бир йиллик ва икки йиллик тайёрлов курсларига рўйхатдан ўтишди ва уларнинг фақатгина 150 нафаригина якуний имтиҳонларда иштирок этиш имкониятига эга бўлишди.

Тайёрлов курсларининг якуний имтиҳонлари математика ва физика фанларидан ўтказилди. Тошкент шаҳридаги Инҳа университетининг “Логистика” факультетига ўқишга кирмоқчи бўлган тингловчилар фақатгина математика фанидан имтиҳон топширишди. Имтиҳонда ҳар бир фанга бир соатдан вақт ажратилди.

Корея Республикасидаги Инҳа университети мутахассислари IUT га кириш имтиҳонларини ўтказиш учун Ўзбекистонга келишди. Имтиҳон саволлари Жанубий Кореяда тайёрланди ва имтиҳондан бир кун аввал Ўзбекистонга олиб келинди. Имтиҳон натижалари 2018 йилнинг 2 июл куни эълон қилинади.

Курс якунлари бўйича тингловчилар якуний имтиҳонларни топширадилар, ҳамда 60 фоиздан юқори балл тўплаган ва энг яхши тингловчиларнинг дастлабки 30 фоизи қаторидан ўрин эгаллаган тингловчилар Тошкент шаҳридаги Инҳа университетининг талабасига айланадилар. Улар шунингдек, университетнинг кириш имтиҳонларида қатнашиб, грант ўринлар учун курашиш ҳуқуқини ҳам қўлга киритадилар.

Якуний имтиҳонларда иштирок этган лицей ва коллежларнинг биринчи ва иккинчи босқич ўқувчилари якуний имтиҳонлар натижалари бўйича университет талабалари бўлиш имкониятини қўлга киритишади. Фақатгина улар лицей ёки коллеждаги таълимни тугатиб, диплом олгандан сўнг университетга қабул қилинадилар.

2017 йили Узлуксиз таълим маркази Тайёрлов курси тингловчиларининг 94% талаба бўлишди. Жумладан 73% тингловчилар IUTга киришди. Марказ ходимлари бу йил мазкур кўрсаткич янаям юқорироқ бўлишига умид қилишмоқда.

Сурат манбаи: https://www.azernews.az/region/122093.html