Интернет-радио исталган барчага ўз устозларини табриклашни таклиф қилмоқда
Дата: 18:04, 22-09-2015.
Тошкент. 22 сентябр. ЎзТАГ – 22 сентябрдан 5 октябргача uRadio.uz интернет-радиоси таҳририяти келаётган Ўқитувчи ва устозлар кунига бағишлаб исталган барчага ўз устозларини табриклашни таклиф қилмоқда, деб хабар беради Ўзбек телеграф агентлиги (ЎзТАГ).
uRadio.uz таъсисчиси бўлган Uzinfocom марказидан маълум қилишларича, акция доирасида барча олинган табриклар интернетга жойлаштирилиб, уларни эшитиш ва юклаб олиш имкони яратилади.
Акциянинг бир неча шартлари бор. Хусусан, табрик креатив, қувноқ, поэтик ёки мусиқий бўлиши зарур. Шунингдек, гитара, доира, барабан, дутор билан келиб табриклаш ҳам мумкин. Лекин тўрттадан ошиқ бўлиб келиш мумкин эмас. Табрикни ёзиш учун исталган куни келиш мумкин.
