Интернетда янги Chevrolet Aveo моделининг суратлари пайдо бўлди
Дата: 15:19, 24-08-2015.
Тошкент. 24 август. ЎзТАГ - Facebook ижтимоий тармоғининг ўзбек сегментида янги Chevrolet Aveo моделининг суратлари пайдо бўлди, деб хабар беради Ўзбек телеграф агентлиги (ЎзТАГ) “Водители Ташкента” саҳифасига асосланган ҳолда.
Бундан олдинроқ, май ойи охирида биз GM-Uzbekistan томонидан чиқариладиган ушбу модель ўзбек бозорига 2016 йилда чиқарилиши, августда эса уни ишлаб чиқариш учун заводда ускуналар ўрнатилгани ҳақида хабар қилган эдик.
Фойдаланувчиларнинг изоҳларига кўра, автомобиль ташқи томондан ҳозирда ишлаб чиқаришдан олиб ташланган Chevrolet Epica моделини эсга солади. Тасдиқланмаган маълумотларга кўра, Chevrolet Aveo анчадан бери чиқариладиган Nexia модели ўрнига келади.
