Инвестиция форумининг якунлари бўйича Наманганда 320 млн долларлик ҳужжатлар имзоланди
Тошкент. 10 июнь. ЎзТАГ – 7-8 июнь кунлари Наманган шаҳрида бўлиб ўтган халқаро инвестиция форуми («Doing business with Namangan») якунлари бўйича 320 млн долларлик ҳужжатлар имзоланди, дея хабар беради Ўзбек телеграф агентлиги (ЎзТАГ).
ТИВ маълумотларига кўра, форумда 500 дан ортиқ киши, жумладан, 350 нафар хорижлик меҳмонлар, жумладан, 36 мамлакатдан 230 нафар хорижий ишбилармон доиралар вакиллари, Ўзбекистонда аккредитациядан ўтган дипломатик корпус ва хорижий ОАВ ҳамда Ўзбекистоннинг Наманган вилоятига бириктирилган 18 нафар элчилари иштирок этишди.
"Форумнинг биринчи куни якунларига кўра, умумий қиймати $170 млндан ортиқ бўлган 24 та инвестиция битими ва экспорт шартномалари имзоланди. Иккинчи куни куни яна 15 та битим тузилди. Умумий қиймати $39 млн бўлган жами 320 ҳужжатлар имзоланди", – дейилади хабарда.
Хусусан, Ўзбекистон бош вазирининг ўринбосари Азиз Абдуҳакимовнинг, соғлиқни сақлаш вазирлиги раҳбариятининг Австриянинг «АМЕ International GmbH» ва «AVK GmbH» компаниялари вакиллари билан учрашуви якунида Наманган вилояти кардиология марказининг моддий-техник базасини яхшилаш бўйича $10,5 млнлик фоизсиз кредит линияси бўйича уч томонлама меморандум имзоланди.
Ҳиндистоннинг «Ultimate Investment» компанияси раиси М.Гупта билан музокаралар якунида Наманган вилояти ҳокимлиги билан меҳмонхоналар ва бизнес-марказ қуриш бўйича умумий қиймати $50 млнлик битим имзоланди.
Хитойнинг "Яндаг жимпенг Мининг" компанияси билан Поп туманида фойдали қазилмаларни қазиб олиш лойиҳасини амалга ошириш учун $40,0 млнлик келишувга эришилди.
"Тавиф савдо уйи" (Россия) компанияси билан тўқимачилик маҳсулотларини экспорт қилиш бўйича $30 млнлик келишувга эришилди.
Бундан ташқари, форум арафасида вилоят ҳокимлиги ТИВ билан ҳамкорликдаҳудудда илк маротаба Ўзбекистон ишлаб чиқарувчилари каталогини ўз ичига олган «madeinnamangan.uz» экспортчиларини қўллаб-қувватлаш учун портал ишлаб чиқилди ва ишга туширилди.
Сурат манбаи: b2bfirma.ru
