“Ипотека-банк” ўзбек банкининг 3-чоракдаги соф фойдаси 50 млрд сўмдан ошди

Тошкент. 22 октябр. ЎзТАГ – 2014 йилнинг 3-чораги якунлари бўйича “Ипотека-банк” акционерлик-тижорат банки 50,04 млрд сўм миқдорда соф фойда олди, дея хабар беради Ўзбек телеграф агентлиги (ЎзТАГ).

Банк 181,94 млрд сўм миқдорда фоизли даромадлар олди, кредит ва лизинг операциялари бўйича ушбу кўрсаткич ҳажми эса 158,93 млрд сўмни ташкил қилди.

Кўрсатилган муддат охирига келиб банк активлари миқдори 3,26 трлн сўмни, акционер капитали 283,53 млрд сўмни ташкил этди. “Ипотека-банк” томонидан чиқарилган оддий акциялар қиймати 134 млрд сўмга тенг.

Эслатиб ўтамизки, “Ипотека-банк” АТИБ 2005 йил апрелда “Узжилсбербанк” ва “Замин” ипотека банкининг қўшилиши натижасида ташкил этилган.

Банк фаолиятинринг асосий йўналиши индивидуал уй-жой қуришни узоқ муддатли имтиёзли кредитлаш, қурилиш материаллари ишлаб чиқарувчи корхоналарни молиялаштиришдан иборат.

$1 = 2379,75 сўм