“Ипотека-банк” ўзбек банкининг активлари 4,4 трлн сўмдан ошди

Тошкент. 7 июн. ЎзТАГ – Тошкентда мамлакатдаги энг йирик молия муассасаларидан бири бўлган “Ипотека-банк” акциядорларининг умумий йиғилиши бўлиб ўтди, деб хабар беради Ўзбек телеграф агентлиги (ЎзТАГ).

“2016 йилнинг 1 январ холатига кўра, Ипотека-банкининг устав капитали 243,2 млрд сўмга, умумий капитал эса 360,2 млрд сўмга етди. Ўтган йилда банк активлари 33% га ўсиб, 4,4 трлн сўмга етди. Бунда банк акциядорлари сонининг 15,7 минг нафардан ошгани ҳам катта рол ўйнади”, - деб таъкидлашди банкда.

2015 йилда банк томонидан мижозларга жами 2,58 трлн сўмлик кредитлар ажратилган. Бу кўрсаткич 2016 йил 1 январ холатига кўра 3,39 трлн сўмни ташкил этмоқда.  

Эслатиб ўтамизки, “Ипотека-банк” АТБ Ўзбекистонда ўз фаолиятини 11 йилдан бери амалга ошириб келмоқда. Бугунги кунда ипотека банкининг 38 та филиал ҳамда 153 та мини банки, шунингдек, 566 та жамғарма кассаси 73 мингдан ортиқ фаол хўжалик субъектлари ва 2 млн жисмоний шахсларга банк хизматларини кўрсатиб келмоқда.

$1 = 2929,14 сўм