Қирғиз-ўзбек чегарасидаги “Дўстлик” НЎП туну-кун режимида яна қайта ишлай бошлади
Тошкент. 7 сентябр. ЎзТАГ – Қирғиз-ўзбек чегарасидаги “Дўстлик” назорат-ўтказиш пункти (НЎП) туну-кун режимида яна қайта ишлай бошлади. Бу ҳақида ҚР бош вазирининг ўринбосари Дуйшенбек Зилалиев маълум қилди, деб хабар қилади пайшанба куни КирТАГ.
Унинг сўзларига кўра, “Дўстлик” НЎП туну-кун режимида яна қайта ишлай бошлаши “қирғиз ва ўзбек халқлари тарихида муҳим ҳодисадир”.
“У икки мамлакат ўртасидаги кўпқиррали ҳамкорликнинг ривожланиши учун кучли рағбат бўлади. 2010 йилдан бери “Дўстлик” НЎП куннинг маълум қисмида чекланган ҳолда ишлар эди. Қирғиз-ўзбек чегарасини кесиб ўтиш учун таклифнома, телефонограмма каби қатор хужжатлар талаб қилинар эди. Эндиликда икки республика фуқаролари қирғиз-ўзбек чегарасини соддалаштирилган тартибда, қўшимча хужжатлар тақдим этишсиз кесиб ўтишлари мумкин”, - деди Д.Зилалиев.
У чегараларни очиш қарори Ўзбекистон Президенти Шавкат Мирзиёевнинг 5-6 сентябрда Қирғизистонга давлат ташрифи доирасида ўтказилган музокараларнинг натижаси бўлганини таъкидлаб ўтди.
Эслатиб ўтамизки, “Дўстлик” НЎП Ўш вилоятининг Қорасув туманида жойлашган.
