Қирғизистон 7 йил ичида умумий қуввати 270 МВтлик 42 электростанция қуришни режалаштирмоқда
Тошкент. 9 сентябр. ЎзТАГ – Қирғизистон 7 йил ичида умумий қуввати 270 МВтлик 42 электростанция қуришни режалаштирмоқда, деб хабар қилади Қирғиз телеграф агентлиги (КирТАГ).
“Энергетикани ривожлантириш режасида 7 йил ичида умумий қуввати 270 МВтлик 42 электростанция қуриш кўзда тутилган. Бизда қайта тикланувчи энергия манбаларига доир қонун ҳам қабул қилинди. Унда асос ставка коэффициенти белгиланиб, тариф сиёсатининг ишлаш механизми кўрсатилган”, - деди ҚР ҳукумати вице-премьери Валерий Диль швейцариянинг “Stucky” энергетик компанияси раҳбари Антуан Дюба ва “Қирғиз-Швейцар Банки” директорлар кенгаши аъзоси Йурка Стаубли билан учрашувда сешанба куни.
В.Диль швейцариялик тадбиркорларни республикада бизнес юритиш шароитлари ҳақида ахборотлантирди ва мамлакат европа компанияларининг маҳаллий бозорга киришидан манфаатдорлигини билдирди.
Ўз навбатида, швейцар компанияси раҳбари турли қувватга эга ГЭСлар қуришга қизиқиш билдирди.
“Биз маҳаллий бозорни ўргандик ва Қирғизистон электроэнергияни ҳатто экспорт қилиш имкониятига ҳам эга, деган фикрга келдик”, - деди А.Дюба.
