Қирғизистон фуқаролари Ўзбекистонга қиймати 8 млн қирғиз сўмига тенг бўлган контрабанда юкини олиб ўтишга уриндилар
Тошкент. 25 май. ЎзТАГ – Қирғиз-ўзбек чегарасида қиймати 8 млн қирғиз сўмига тенг бўлган контрабанда юки тўхтатиб қолинди, деб хабар қилади Қирғиз телеграф агентлиги (КирТАГ).
“2016 йилнинг 25 майида Боткент вилоятининг Қадамжой тумани Ак-Кум деган жойида Айдаркен тумани чегара отряди чегарачилари Қирғизистоннинг уч фуқаросини Қирғизистондан Ўзбекистонга контрабанда юкини олиб ўтишга уриниш чоғида қўлга олдилар”, - дейилади ҚР давлат чегара хизматининг жамоатчилик билан алоқалар бўлими хабарида.
Қирғизистон фуқаролари икки Hyundai Porter автомашиналарида қирғиз-ўзбек чегарасидан тиббий воситалар ва электролампаларни олиб ўтмоқчи бўлганлар. Қўлга олинганларда юкни олиб ўтиш учун зарур хужжатлар бўлмаган. Контрабанда юкининг умумий қиймати 8 млн қирғиз сўмидан кўпни ташкил этган.
Тегишли хужжатлар расмийлаштирилганидан сўнг қўлга олинган шахслар ва контрабанда юки ҚР ДЧХ ходимларига топширилган.
