Қирғизистон фуқаролари Ўзбекистонга йирик наркотиклар партиясини олиб кирганлик учун қўлга олинди

Тошкент. 24 феврал. ЎзТАГ – Ўзбекистон махсус хизматлари томонидан наркотикларнинг ноқонуний айланмасига қарши ўтказилаётган доимий тадбирлар доирасида ўзбек-қирғиз чегарасидаги “Ўқчи-Қабристон” деган жойда 32 ёшли Қирғизистон фуқароси Элмурод Урмонов қўлга олинди, деб хабар беради Ўзбек телеграф агентлиги (ЎзТАГ).

Ўш вилоятнинг Қорасуй туманида истиқомат қилувчи киши Ўзбекистонга 3,8 кг гашиш олиб киришга уринган. Қўлга олинган шахснинг сўзларига кўра, наркотиклар унинг ҳамюрти 45 ёшли Акрамжон Абдукаримовга мўлжалланган бўлган. Андижонда бўлган иккинчи қирғизистонлик, Ўрмонов чегарадан ўтганидан сўнг, наркокурьер томонидан тайинланган жойга келиши зарур бўлган”, - деб таъкидлади ЎзТАГ мухбирига куч тизимларидаги манба.

Шунингдек, куч тизимлари ўша куни кечқурун Абдукаримовни ҳам қўлга олганлар. У олиб келинган наркотикларни Ўзбекистон ҳудудида сотишни режалаштирган бўлган.

Ушбу факт юзасидан жиноят иши очилди, тергов олиб борилмоқда.