Қирғизистон фуқароси Ўзбекистонга 5 кгдан зиёд заргарлик буюмлари олиб ўтишга уринди

Тошкент. 29 феврал. ЎзТАГ – Ўзбекистон ҳуқуқни муҳофаза қилиш органлари Қирғизистондан заргарлик буюмлари контрабандасини амалга ошириш бўйича навбатдаги уринишнинг олдини олдилар, деб хабар беради Ўзбек телеграф агентлиги (ЎзТАГ).

“Қирғизистон вилояти Боткент тумани билан чегарадош Фарғона вилояти Фарғона тумани Бўстон қишлоғида ўзбек давлат чегарасини ноқонуний кесиб ўтишга уринган 52 ёшли Қирғизистон фуқароси Дилабза Алламова қўлга олинди”, - деб таъкидлади куч тизимларидаги манба.

Қўлга олинган шахснинг сумкаси кўздан кечирилганда сариқ металл, эҳтимолга кўра, олтиндан ясалган буюмлар ўрамлари топилди. Шахсий тинтувда кийимлар остига яширилган ўрамлар аниқланди. Заргарлик буюмларининг умумий вазни 5 кган ортиқни ташкил қилди.

Ҳуқуқни муҳофаза қилиш органлари маълумотларига кўра, қўлга олинган аёл Ўш вилоятида яшаган. У олиб кетаётган контрабанда товари Ўзбекистон ҳудудида ноқонуний сотишга мўлжалланган бўлган.

Ҳозирда буюмлар экспертизага тақдим этилган, тергов олиб борилмоқда.

Қўлга олинган кунини манба белгилаб бермади.