Қирғизистон парламенти ёпиқ мажлисда қирғиз-ўзбек чегараси тўғрисидаги битимни ратификация қилишни муҳокама қилмоқда
Тошкент. 28 сентябр. ЎзТАГ – Қирғизистон парламенти (Жогорку Кенеш) ёпиқ мажлисда қирғиз-ўзбек чегараси тўғрисидаги битимни ратификация қилиш тўғрисидаги қонун лойиҳасини иккинчи ўқишда муҳокама қилмоқда.
Депутатлар ушбу қарорни парламентнинг пайшанба кунги сессиясида қабул қилдилар.
Депутатлар парламент мажлисида қирғиз-ўзбек чегараси масаласини иккинчи ўқишда ёпиқ мажлисда муҳокама қилишга қарор қилдилар. Ушбу таклиф “Қирғизистон” фракциясидан депутат Алмазбек Эргешов томонидан киритилди. Бироқ, унинг “Бир Бол” фракциясидан бўлган ҳамкасби Улукбек Ормонов фуқаролар ушбу масалани очиқ мажликда кўриб чиқишни илтимос қилишаётганлигини таъкидлади.
“Бизнинг сайловчиларимиз шу қадар муҳим масалани нега халқдан яширин кўриб чиқаётганимиздан таажжубга тушишмоқда. Сайлов арафасида ортиқча гап-сўзлар бўлмаслиги учун мен масалани очиқ мажлисда кўриб чиқишни таклиф қиламан”- деб таклиф қилди депутат.
Спикер Чинибай Турсунбеков иккала таклифни ҳам овозга қўйди, натижада кўпчилик овози билан бу масалани ёпиқ режимда кўриб чиқишга қарор қилинди.
Таъкидлаб ўтамизки, қирғиз-ўзбек чегараси ҳақидаги шартнома жорий йил 5 сентябрда Ўзбекистон президенти Шавкат Мирзиёевнинг Бишкекка ташрифи чоғида имзоланган эди.
