Қирғизистон жанубида Ўзбекистондан контрабанда товарларини етказиб бериш канали аниқланди – ДЧХ
Тошкент. 3 апрел. ЎзТАГ – Қирғизистон жанубида Ўзбекистондан контрабанда товарларини етказиб бериш бўйича барқарор канал аниқланди, деб хабар беради ҚирТАГ ҚР Давлат чегара хизматининг жамоатчилик билан алоқалар бўлимига таянган ҳолда.
“2 апрел КР ДЧХнинг Жалолобод вилояти чегарачилари ўзбекистондан Қирғизистонга контрабанда товарларини етказиб бериш бўйича канални аниқладилар”, - дейилади хабарда.
Чегара наряди Жалолобод вилоятининг Новкен тумани Кайирма деган жойда Қирғизистоннинг саккиз фуқароларини қўлга олди. Улар Фарғона канали бўйлаб Ўзбекистон Қирғизистонга етказиб берилган контрабанда товарларни олиш пайтида ушланди.
“Биз давлат чегарасида вазиятни жиддий таҳлил қиламиз ва Қирғизистонга контрабанда етказиб бериш бўйича яна битта канални аниқладик. Контрабандачилар давлат чегарасини бевосита бузмасдан, товарларни чегара бўйлаб етказиб берган ҳолда янада усталарча ишлай бошладилар. Шунинг учун ҳам биз давлатнинг иқтисодий манфаатларини ҳимоя қилиш мақсадида ҳар доим давлат чегарасидан товарлар, қимматбаҳо ва бошқа буюмларни ноқонуний олиб ўтишга қарши курашиш чора-тадбирларини кўрмоқдамиз”, - деб таъкидлади КР ДЧХ Жалолобод вилояти бошқармаси бошлиғининг биринчи ўринбосари полковник Таалайбек Тажибаев.
Бу сафар Қирғизистонга 59 халта пахта чигитини ноқонуний равишда олиб киришга уринилди. Дастлабки ҳисоб-китобларга кўра, контрабанда юкларининг умумий қиймати 100 минг қирғиз сўмидан ошади.
Қўлга олинганлар тегишли ҳужжатлар расмийлаштирилганидан кейин жаримага тортилди, контрабанда юки эса ҚР ДЧХ ҳудудий бўлинмаси ходимларига топширилди.
Сурат манбаи: https://express-k.kz/news/lenta_novostey/v_pogransluzhbe_kirgizii_obyasnili_rost_chisla_uzbekskikh_soldat_bliz_granitsy_provodyashchimisya_ta-82287
