Қирғизистонда 2-ёшли бола машинада ёнғиндан вафот этди

Тошкент. 13 апрел. ЎзТАГ – Қирғизистоннинг Иссиқкўл вилоятида 2-ёшли бола машинада ёнғиндан онасинин кўз олдида вафот этди, деб хабар қилади Қирғиз телеграф агентлиги (КирТАГ) душанба куни вилоят ИИБ асосланган ҳолда.

Фожеа куни-кеча – 12 апрелда тахминан соат 14.30 атрофида юз берган бўлиб, хабарга кўра, Иссиқкўл туманининг Семеновка қишлоғида яшовчи 22-ёшли шахс уйига “Москвич ИЖ Комби” автомашинасида Кичи-Ак-Суу деган ердан қайтишда автомобиль салонига 5-литр бензин солинган канистрани ортган бўлган.

Ёнғин хавфсизлиги техникасига риоя қилинмаганлиги натижасида бензин солинган канистра ёниб кетган. Қўрқиб кетган ҳайдовчи автомашинани кескин буриб, уни йўл четига ағдариб юборган.

Ҳайдовчи ва икки катта йўловчи ёнғиндаги автосалонни тарк этишга улгурганлар, 2-ёшли бола эса автомашинада қолиб кетган. Натижада бола 23-ёшли онаси кўзи олдида ёниб кетган.

Ҳайдовчи ва бир йўловчи Ананьево қишлоғидаги касалхонага ётқизилган.