Қирғизистонда мамлакат конституциясини тубдан ўзгартишни таклиф қилишди

Тошкент. 20 октябр. ЎзТАГ - Қирғизистон мамлакат конституциясини тубдан ўзгартиши зарур, деб хабар қилади Қирғиз телеграф агентлиги (КирТАГ) “Республика” партияси етакчиси Омурбек Бабановнинг “Ота Юрт” ва “Республика” партияларининг бирлашишига бағишланган съезддаги баёнотига асосланган ҳолда.

“Мамлакатда оилавий-уруғ бошқаруви ўрнига парламент бошқаруви келди. Биз мамлакатдаги мавжуд тизимни унинг талабга жавоб бермай қолганлиги сабабли ўзгартиришимиз зарур. Конституцияни тубдан ўзгартириш керак”, - деди О. Бабанов.

Унинг сўзларига кўра, мамлакат коррупцияга ботиб қолган ва ҳокимиятда ҳеч ким ўз қарорлари учун жавоб бермайди. “Кимдир энергетик таназзул учун кечирим сўрадими? Бунинг учун ҳеч бўламаса бир депутат жавоб бердими? Ҳокимият тизимида фақат бир президент ишламоқда. Агар парламент ҳукуматнинг хўжалик ишларига аралашмаганда иқтисодий муаммоларга дуч келмаган бўлар эдик”, - деб таъкидлади О. Бабанов.

“Биз қарорлар учун жавоб бериладиган тизимни яратишимиз лозим. Қарор қабул қилган киши унинг натижаси учун жавоб бериши керак”, - деди у.

Эслатиб утамизки, Қирғизистонда 2020 1 сентябргача Конституцияни ўзгартиришга мораторий жорий этилган.