Қирғизистонда сайёҳларга олтин қазиб олишга рухсат бериш таклиф этилмоқда

Тошкент. 10 июл. ЎзТАГ – Қирғизистонда сайёҳларга олтин қазиб олишга рухсат бериш таклиф этилмоқда, дея хабар беради Қирғиз телеграф агентлиги (КирТАГ).
“Туризмни олтин қазиш билан бирга олиб борса бўлади. Статистикага кўра, битта сайёҳ кунига 1 граммдан ортиқ бўлмаган олтин ювиб олади, лекин мамлакатда яшаш, овқатланиш ва бошқа нарсалар учун $1 минг атрофида пул қолдиради”, - деди Стратегия ишлаб чиқиш бўйича экспертлар концорциуми раҳбари Валентин Богдецкий пайшанба куни.
Унинг сўзларига кўра, Қирғизистонда кичик “сайёҳлик” услубида тилла кавлаш (ювиш) мумкин бўлган ўн мингдай кичик олтин конлари мавжуд.
“Кичик” қазишдан келадаган яна бир афзаллик - бу конлар ўзини 4-7 йилда оқлайди. Бундан ташқари, маҳаллий капиталдан фойдаланиш имконияти, янги иш ўринларининг яратилиши, айниқса, узоқ туманларда, ва, энг асосийси, ўрта тадбиркорлик синфини кенгайтиришдан келадиган фойдаларни ҳам кўздан қочирмаслик керак”, - деб қайд этди у.
Эксперт бу каби лойиҳаларни амалга ошириш учун кичик тоғ кончилигини қонунийлаштириш зарур еканлигин тушунтирди.
“Ҳам хорижий, ҳам маҳаллий тадбиркорлар учун конлар кўзда тутиш зарур. Масалан, хитойликлар митти конларни олиб, уни ўзлаштиришга усталар. Лекин бундай конларни маҳалий сармоядан фойдаланган ҳолда ўзимиз ишлатишимиз мумкин эди”,- деди В.Богдецкий.
Шунингдек, эксперт бошқа кичик конларга ҳам эътибор қаратди.
“Масалан, молибденннинг 1 килогараммининг нархи $70. Қирғизистонда йирик конлар йўқ, лекин кичик конлардан оз миқдорда фойдали қазилмаларни олиш мумкин. Бунинг учун қонуний бозор яратиш кифоя”, - деб таъкидлади у.