Қирғизистонда юқориоктанли бензиннинг нархи литрига $1гача чиқиши мумкин

Тошкент. 14 август. ЎзТАГ – А-92 русумидаги энг оммабоп бензиннинг нархи литрига $1га қадар чиқиши мумкин, деб хабар қилади Қирғиз телеграф агентлиги (КирТАГ) нефт сотувчилари ассоциациясининг собиқ президенти Жумақодир Акенеевга асосланган ҳолда пайшанба куни.

“Бундан суръатлар билан бир-кки ойдан кейин А-92 русумидаги энг оммабоп бензиннинг нархи литрига $1га қадар чиқиши мумкин. Ҳозир Қирғизистонда нархларнинг ўсиш суръатлари Россиядагига мувофиқ эмас. Шартли қилиб айтганда, Россияда 50 тийинга ошса, бизда 2 сомга (сом – қирғиз сўми) ошади. Монополияга қарши орган ўз ишини фаоллаштириши керак”, - деб изоҳлади Ж.Акенеев бозордаги вазиятни.

Унинг сўзларига кўра, нархларни нефт трейдерлари эмас, балки монополияга қарши орган эълон қилиши керак. Чунки ёқилғи-мойлаш соҳаси монопол соҳадир. У нархларнинг ошиши Россиядаги улгуржи сотув нархларининг ошиши ҳамда ёқилғи ортилган вагонларнинг кўпчилиги қозоқ чегарасида туриб қолганлиги билан боғлиқлигини эслатди.