Иркутскда Ўзбекистонлик икки ер қазувчининг ўлимидан сўнг жиноий иш қўзғатилди

Тошкент. 19 октябр. ЎзТАГ – Иркутскда Ўзбекистонлик икки ер қазувчининг ўлимидан сўнг жиноий иш қўзғатилди, деб хабар беради Ўзбек телеграф агентлиги (ЎзТАГ) РТҚ Иркутск вилояти бўйича Тергов бўлими матбуот хизматига таянган ҳолда.

“Жиноят иши РФ Жиноят кодексининг 216 моддаси 3-қисмига биноан (қурилиш ишлари давомида хавфсизлик қоидаларининг бузилиши натижасида эҳтиётсизлик орқасида икки ёки ундан ортиқ шахснинг ўлими) очилади”, - дейилади пайшанба кунги хабарда.

Тергов маълумотларига кўра, қазиш ишларини амалга оширишда хавфсизлик қоидаларини бузганлик натижасида хандаққа тупроқ ўпирилиб тушган, оқибатда бир киши жароҳат олган ва икки киши ҳалок бўлган.

“Ҳозирда терговчилар ҳодиса жойини кўздан кечиришган, ҳужжатлар олинган, суд-тиббий экспертизаси тайинланган, гувоҳлар сўроқ қилинмоқда”, - дейилади хабарда.

Олдин хабар берилгани каби, 17 октябрда Захаров кўчасидаги 14 уйи яқинида қазиш ишлари давомида узунлиги 10 метр, чуқурлиги 4 метр зовурда тупроқ ўпирилиб тушган. Ўзбекистон фуқаролари бўлган уч нафар ишчи жароҳат олган. Ишчиларнинг бири қутқарилиб, касалхонага олиб кетилган. Унинг аҳволи барқарор деб баҳоланмоқда. Шу куннинг ўзида ер тагида қолиб кетган икки ишчининг жасади чиқариб олинган.