Ислом Каримов ЎзЛиДеПдан президент лавозимига номзод қилиб кўрсатилди
Дата: 12:51, 15-01-2015.
Тошкент. 15 январ. ЎзТАГ – Бугун Тошкентда Ўзбекистон Либерал-демократик партиясининг (ЎзЛиДеП) съезди бўлиб ўтди. Унда партия Ислом Каримовни президент лавозимига номзод қилиб кўрсатди, дея хабар беради Ўзбек телеграф агентлиги (ЎзТАГ).
Бундан ташқари, ЎзЛиДеП бош вазир лавозимига Шавкат Мирзиеев номзодини ҳам илгари сурди.
Шунингдек, съездда парламент қуйи палатаси сайловлари якунлари ҳам кўриб чиқилди ва келажак режалар муҳокама этилди.
Эслатиб ўтамизки, Ўзбекистон президенти сайловлари 2015 йил 29 мартда бўлиб ўтади.
