ЎзТАГ
Ўзбек телеграф агентлиги

Тошкент, 18:59 | 10 январ

Ислом тараққиёт банки Ўзбекистонга қишлоқда уй-жойлар қуришга $100 млн ажратди

Дата: 16:41, 03-09-2014.

Тошкент. 3 сентябр. ЎзТАГ – Ислом тараққиёт банки (ИТБ) Ўзбекистонга қишлоқда уй-жойлар қуришга $100 млн ажратди, дея хабар қилади Ўзбек телеграф агентлиги (ЎзТАГ).

“Хусусан, Ислом банки “Қишлоқ жойларда уй-жой қурилишини ривожлантириш” лойиҳасига (Фаза-1) $100 млн маблағ ажратишни режалаштирмоқда”, – деб таъкидлади Иқтисодиёт вазирлигидаги манба.

Қайд этиш керакки, Ислом тараққиёт банки илгари Ўзбекистонга Тошкент кўчаларида энергетик самарали ёритиш технологияларини жорий этишга $36 млн, шунингдек, Фарҳод ГЭСи ва Қуйи-Бозсуй ГЭС каскадидаги 14-ГЭСни модернизация қилишга $100 млн маблағ берган эди.

Эслатиб ўтамизки, яқинда ИТБ ижроя директорлари кенгаши банкка аъзо мамлакатлардаги иқтисодий ва ижтимоий ривожланиш лойиҳаларга, шунингдек, банк аъзоси бўлмаган мамлакатлардаги мусулмон аҳоли учун лойиҳаларга $987 млн маблағ ажратишни маъқуллади.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди