Исроил агентлиги Ўзбекистонда грантлар линиясини очади

Тошкент. 30 октябр. ЎзТАГ – Исроил давлати ташқи ишлар қвазирлиги қошидаги “МАШАВ” Халқаро ҳамкорлик агентлиги Ўзбекистонда молиявий грантлар олишга аризалар қабул қила бошлагани ҳақида эълон қилди, деб хабар беради Ўзбек телеграф агентлиги (ЎзТАГ).

Исроилнинг Ўзбекистондаги элчихонасидан хабар қилишларича, ариза эркин шаклда лойиҳанинг рус ва инглиз тилларидаги тавсифи (2 саҳифадан ошмаган ҳолда) шаклида топширилиши мумкин.

Ариза беришнинг асосий шартларидан бири “МАШАВ”нинг Исроил ёки Ўзбекистондаги курсларида иштирок, шунингдек, Исроилнинг Ўзбекистондаги элчихонаси билан барқарор ҳамкорлик ҳисобланади.

Аризалар қабул қилиб бўлинганидан кейин Исроилнинг Ўзбекистондаги элчихонаси энг яхши лойиҳаларни Исроил ТИВ грантларини олишга тавсия қилади.