Истомин Гштааддаги АТР турнирининг илк баҳсида Тейшейра билан беллашмоқда

Тошкент. 27 июл. ЎзТАГ – Айни пайтларда ўзбек теннисчиси Денис Истомин Гштааддаги АТР турнирининг илк баҳсида француз Максим Тейшейра билан учрашмоқда, деб хабар беради Ўзбек телеграф агентлиги (ЎзТАГ).

Бу эса жаҳоннинг 73-ракеткаси бўлган 28 ёшли Истомин дунёнинг 347-ракеткаси – 20 ёшли Тейшейра билан беллашмоқда, деганидир.

Очиқ манбалардан ушбу икки спортчи олдин учрашган-учрашмагани ҳақида билишнинг иложи бўлмади.

Турнир жадвалига назар солинса, турнирдаги энг кучли спортчилар жаҳоннинг 14-ракеткаси бельгиялик Давид Гоффен ва жаҳоннинг 19-ракеткаси испан Фелисиано Лопесларлиги маълум бўлади.

Эслатиб ўтамизки, Crеdit Agricole Suisse Open Gstaad турнири Гштаадда (Швейцария) тупроқли кортларда ёз ойлларида бўлиб ўтувчи эркаклар халқаро мусобақасидир. 2009 йилдан бери мусобақа ATP 250 тоифасига кириб, соврин жамғармаси 426 минг евро. Турнир яккаликда 28 қатнашчи ва жуфтликда 16 жуфтга мўлжалланган.