Июль ойида Тошкентда карате бўйича Осиё чемпионати ўтказилади
Тошкент. 19 март. ЎзТАГ - 2019 йил июль ойида Тошкентда каратэ бўйича Осиё чемпионати ўтказилади, дея хабар беради Ўзбек телеграф агентлиги (ЎзТАГ).
Бу ҳақда Ўзбекистон Миллий Олимпия Қўмитаси маълумотларига кўра, 18 март куни қўмита раиси Умид Аҳмаджонов Осиё каратэ Федерацияси бош менежери Винсент Чен билан учрашувида айтиб ўтди. Учрашувда томонлар WKF Осиё карате чемпионатининг Ўзбекистонда ўтказилиши тўғрисида муҳокама қилдилар.
У.Аҳмаджонов қитъа чемпионатини кўп тармоқли "Хумо Арена" саройида ўтказилиши мумкинлигини таъкидлади.
"Яқинда бўлиб ўтадиган Осиё Чемпионати лицензияли бўлиб, бу ерда Токиодаги Олимпия ўйинларига йўлланмалар қўлга киритилади ва бу ҳақиқаттан ҳам катта қизиқиш уйғотади", - деб таъкидлади В.Чен.
Қайд этиш жоизки, чемпионат ўтказилишидан олдин пойтахтимиз Тошкентда карате бўйича Осиё қитъаси федерацияси конгрессини ташкил этиш режалаштирилмоқда.
"Осиё лицензияли чемпионатини Тошкент қабул қилади ва бу тадбир 2019 йил июль ойида бўлиб ўтади", дейилади хабарда.
Эслатиб ўтамиз, Ўзбекистон 2012 йилги WKF каратэ бўйича Осиё чемпионатига мезбонлик қилган.
Сурат манбаи: superkarate.ua
