Июнда “Оҳангаронцемент” цемент ишлаб чиқаришни 6,3% кўпайтирди

Тошкент. 5 август. ЎзТАГ – 2015 йилнинг июнида “Оҳангаронцемент” 157,88 минг тонна цемент ва 117,95 минг тоннаклинкер ишлаб чиқарди, бу эса ўтган йилнинг муқобил давридагига нисбатан навбати билан 6,3% (9380 тонна) ва 6,5% (7190 тонна) кўп демакдир, деб хабар беради Ўзбек телеграф агентлиги (ЎзТАГ).

“Корхона истеъмолчиларга 163,305 тонна юқори сифатли цемент жўнатиб, ушбу кўрсаткични 5,4% (8376 тонна) оширди. Истеъмолчилар орасида умумқурилиш турига мансуб “ПЦ 400 Д20” ва “ШПЦ 400” цемент турларига талаб катта. Уларнинг жами етказиб берилган цемент миқдоридаги улуши 79,1% (129,165 тонна) ташкил этди, ўтган йилнинг муқобил даврида ушбу кўрсаткич 54,9% ошмаган эди”, – деб таъкидлади корхонадаги манба.

Бугунда корхона маҳсулоти пойтахт вилояти ва Тошкент шаҳри объектларига етказиб берилмоқда. Оҳангарон цементи А373 “Тошкент – Ўш” автойўлини реконструкция қилиш, Ангрен – Поп темир йўл линияси тоннелини қуриш, қишлоқларда намунали уйлар қуриш, халқаро тоифадаги “Хайят” меҳмонхонасини барпо этиш кабиларда ишлатилмоқда.