“Капиталбанк” ўзбек банки активлари миқдори 1 трлн сўмдан ошди
Дата: 16:53, 21-10-2014.
Тошкент. 21 октябр. ЎзТАГ – Жорий йилнинг июль-августида “Капиталбанк” акционерлик-тижорат ўзбек банки активлари миқдори 1,074 трлн сўмни ташкил қилди, дея хабар беради Ўзбек телеграф агентлиги (ЎзТАГ).
Банкнинг кредит ва лизинг операциялари ҳажми 422,08 млрд сўмни ташкил этиб, бунда кредит операциялари улуши 98%дан ошиқ.
Кўрсатилган муддатда банк 80,87 млрд сўм миқдорда фоизли даромадлар олган бўлиб, бунда кредит ва лизинг операцияларининг ялпи улуши 49,06 млрд сўмни ташкил этди.
3-квартал якунига келиб, банкнинг акционерлик капитали 92,07 млрд сўмни ташкил қилди.
Бугунга келиб молия муассасасининг чиқарилган акциялари қиймати 43 млрд сўмга тенг.
Ҳисобот даврида “Капиталбанк” 19,2 млрд сўм миқдорда соф фойда олган.
$1 = 2379,75 сўм
