Каримов ва Атамбоев иккитомонлама ҳамкорлик истиқболларини муҳокама қилдилар
Тошкент. 24 июн. ЎзТАГ – Ўзбекистон президенти Ислом Каримов мамлакатга Шанхай ҳамкорлик ташкилоти саммитида қатнашиш учун келган Қирғизистон президенти Алмазбек Атамбоев билан учрашди. Бу ҳақида Ўзбекистон раҳбарининг матбуот хизмати хабар қилмоқда.
“Учрашувда икки мамлакат ўртасидаги ҳамкорликнинг бугунги ҳолати ва истиқболлари муҳокама қилинди”, дейилади хабарда.
Шунингдек, учрашувда савдо-иқтисодий, маданий-гуманитар алоқаларни кенгайтириш, минтақада хавфсизлик ва барқарорликни мустаҳкамлаш масалаларига эътибор қаратилди.
“Алмазбек Атамбоев самимий учрашув учун давлатимиз раҳбари Ислом Каримовга миннатдорчилик билдириб, Қирғизистон Ўзбекистон билан яхши қўшничилик ва ҳамкорлик муносабатларини мустаҳкамлашга интилишини, Шанхай ҳамкорлик ташкилоти саммити юқори даражада ўтказилганлигини қайд этди”, - деб хулоса қилинади хабарда.
