Келиб чиқиши Ўзбекистондан бўлган Алишер Усмонов “Коммерсантъ Холдинг”нинг якка эгасига айланди
Тошкент. 23 декабр. ЎзТАГ – Декабрда асли келиб чиқиши Ўзбекистондан бўлган россиялик тадбиркор Алишер Усмонов “Коммерсантъ Холдинг” МЧЖ 100% улушининг якка эгасига айланди. Бу ҳақида “Интерфакс” “СПАРК-Интерфакс” маълумотлар базасига асосланган ҳолда хабар қилмоқда.
Ҳозирда “Коммерсантъ Холдинг” “Коммерсантъ” газетасининг ягона таъсисчи ва ношири бўлган “Коммерсантъ” АЖ якка эгасидир”, - деб аниқлаштирди “Интерфакс”га МЧЖ бош директори Владимир Желонкин.
Бунга қадар компанияга кипрнинг Kommersant Holding (Cyprus) Ltd. эгалик қилар эди
Агентликнинг эслатишига кўра, 2016 йил 1 январдан “ОАВ тўғрисида”ги қонун хорижликларга россия медиа-компанияларида 20% зиёд улушга эгалик қилишни таъқиқлайди. Агар “Коммерсант” эгаси қонун талабини бажариши учун қатор корпоратив ҳаракатларни амалга оширган бўлса, “Ведомости” ишбилармонлар нашрида мулкдор алмашди. “Коммерсант”нинг собиқ бош директори Демьян Кудрявцев газета улушларини бошида финландиянинг Sanoma, кейин эса Dow Jones ва Pearson ширкатларидан сотиб олди ва газетанинг ягона эгасига айланди.
Усмонов “Коммерсантъ” НУ Бадри Патаркацишвилидан 2006 йилда сотиб олган эди. Бизнесменнинг сўзларига кўра, битим қиймати $200 млн атрофидани ташкил қилган.
