Кейинги 10 йилда Ўзбекистонда текстиль маҳсулотлари ишлаб чиқариш 4,3 бараварга ўсди

Тошкент. 7 ноябр. ЎзТАГ – Кейинги 10 йилда Ўзбекистонда текстиль маҳсулотлари ишлаб чиқариш 4,3 бараварга, экспорт 4 бараварга ўсди, деб хабар беради Ўзбек телеграф агентлиги (ЎзТАГ).  

Агарда мустақилликнинг дастлабки йилларида бутун тармоқнинг экспорт салоҳияти бор-йўғи $7 млнга тенг бўлган бўлса, айни пайтда енгил саноат маҳсулотларининг экпорти $1 млрддан зиёдни ташкил этмоқда. Тармоқнинг тўқимачилик маҳсулотлари жаҳоннинг 60 дан ортиқ давлатларига, жумладан, Бразилия, Чили, Хорватия, Нигерия каби мамлакатларга ҳам экспорт қилинмоқда.

2015-2019-йилларда енгил саноатда қиймати $1 млрд атрофида бўлган 77 та муҳим лойиҳа амалга оширилади. Ҳозирга қадар дастурга мувофиқ, “Асака Текстил Продакшн” корхонасида бўялган ип калава, “Индорама Қўқон текстил” қўшма корхонасида ип калава ишлаб чиқаришнинг 4-босқичи, “Жиззах грант текстил” корхонасида пайпоқ маҳсулотлари ишлаб чиқариш каби янги қувватлар фойдаланишга топширилди, “Узтекс Тошкент” ва “Хумо тўқимачи” корхоналарини замонавий илғор ускуналар билан жиҳозлаш орқали модернизация қилиш ишлари якунига етказилди.