Халқ таълими вазири “XXI аср” газетасини судга берди
Тошкент. 2 апрель. ЎзТАГ – Ўзбекистон Халқ таълими вазири Шерзод Шерматов “XXI аср” газетасини судга берди, дея хабар беради Ўзбек телеграф Агентлиги (ЎзТАГ) CA-NEWS (http://ca-news.org/news) маълумотларига таянган ҳолда.
"XXI аср" газетаси Ўзбекистон Либерал-демократик партиясининг расмий нашридир (UzLiDep).
“Ўзининг даъво аризасида вазир Шерзод Шерматов суддан ўз шаъни, обрў-эътиборини ва фаолиятидаги номини ҳимоя қилишни ва XXI аср" газетаси томонидан етказилган маънавий зарарни қоплашни сўради. Газета 2019 йил 17-январда журналист Маҳмуд Саъдий муаллифлигида "Вазир қандай қилиб матбуот эркинлигини тушунади?" деб номланган мақолани чоп этган. Таниқли журналист Маҳмуд Саъдий мақоласида Халқ таълими вазирини газеталарни ўқимай туриб журналистларнинг фаолиятини назорат қилмоқчи бўлади деб айблади”, - дейилади хабарда.
""XXI аср” газетасининг ёзишича, илгари Шерзод Шерматовнинг ушбу мақолага раддияси эълон қилинган.
"Биз журналист ва вазир учун бир хил имконият бердик. Бироқ раддия чоп этилгандан кейин ҳам, вазир бизнинг устимиздан шикоят қилди ва бу давлат арбоби учун номуносиб бўлиб кўринади. Биз суд "териси юпқа" вазирнинг далиллари асоссиз деб топишига ишонамиз ", - дейди газета вакили.
Суд 3 апрель куни Тошкент шаҳар Миробод туманидаги туманлараро фуқаролик ишлари бўйича судида кўриб чиқилиши кутилмоқда.
Эслатиб ўтамиз, 2017 йил февраль ойининг бошида Шерматов Ўзбекистон ахборот технологиялари ва коммуникацияларини ривожлантириш бўйича Вазири этиб тайинланган. 2018 йил июнь ойида эса 2013 йилдан бери фаолият олиб бораётган Улуғбек Иноятовнинг ўрнига Халқ таълими вазири этиб тайинланган.
Сурат манбаи: gazeta.uz
