Хатамжон Кетмонов оилавий тадбиркорлик ва касаначиликни рағбатлантиришни ёқлаб чиқди
Тошкент. 17 ноябр. ЎзТАГ – Ўзбекистон Халқ демократик партиясидан Ўзбекистон Республикаси Президентлигига номзод Хатамжон Кетмонов оилавий тадбиркорлик ва касаначиликни рағбатлантиришни ёқлаб чиқди, деб хабар беради Ўзбек телеграф агентлиги (ЎзТАГ).
Бу ҳақда у 16 ноябр куни Бухоро вилояти сайловчилари билан учрашувда маълум қилди.
“Мамлакатимизда ишлаб чиқарилаётган қишлоқ хўжалиги маҳсулотларини қайта ишлашда оилавий тадбиркорлик ва касаначиликни ривожлантириш, корхоналар таснифига “ўрта корхона” тушунчасини киритиш, яъни йирик, ўрта ва кичик корхоналар мезонларини белгилаш, кичик корхоналарнинг йириклашиши ва янада ривожланишига хизмат қиладиган солиқ ва имтиёзлар тизимини ишлаб чиқиш таклифи илгари сурилган”, - дейилади партия матбуот хизмати хабарида.
