Хитой компанияси Ўзбекистонда ипакчиликни ривожлантиришга $100 млнгача сармоя киритади
Дата: 19:06, 28-12-2017.
Тошкент. 28 декабр. ЎзТАГ – Хитойнинг Jiujiu Silk компанияси Ўзбекистонда ипакчиликни ривожлантиришга $100 млнгача сармоя киритади, деб хабар беради Ўзбек телеграф агентлиги (ЎзТАГ).
“Ҳосилдор тут дарахтлари ва пилла етиштириш, ипак маҳсулотлари ишлаб чиқаришга 100 миллион АҚШ долларигача киритиш, шунингдек, мингта иш жойи яратиш ниятидамиз”, - деб таъктидлади компания президенти Чжу Лье “Жаҳон” ААга интервьюда.
Компания тутчилик бўйича ўзбек-хитой саноат парки, пилла ва ипак ишлаб чиқаришни ташкил этишни режалаштирмоқда.
Эслатиб ўтамизки, Jiujiu Silk Ўзбекистонда 2013 йилдан бери “Жиззах” ЭИҲда фаолият юритади ва ипак маҳсулотлар ишлаб чиқаришга ихтисослашган.
Сурат манбаи: http://russian.eurasianet.org/node/59287
