Хитой “Мозори-Шариф-Кобул-Пешовар” темир йўл лойиҳасига қўшилишни режалаштирмоқда

Тошкент. 10 апрель. ЎзТАГ – Хитой “Мозори-Шариф-Кобул-Пешовар” темир йўл лойиҳасига қўшилишни режалаштирмоқда, дея хабар беради Ўзбек телеграф агентлиги (ЎзТАГ).

Ташқи ишлар вазирлигининг маълумотларига кўра, 8 апрель куни Ўзбекистон президентининг Афғонистон бўйича махсус вакили Исматулла Эргашев ва Хитой ташқи ишлар вазирининг Пекиндаги Афғонистон бўйича махсус вакили Дэн Сицзюнем билан учрашуви бўлиб ўтди.

Қайд этилганидек, Афғонистондаги мавжуд вазият ва мамлакатда мустаҳкам ва узоқ муддатли тинчлик ўрнатиш мақсадида Афғонистонда тинч мулоқотни ташкил этиш истиқболлари юзасидан фикр алмашилди.

“Хитой томони “Мозори-Шариф-Кобул-Пешовар” темирйўлини қуриш лойиҳасига қўшилишга тайёрлигини билдирди. Шу муносабат билан Дэн Сицзюнь ўзбек томонининг бутун минтақа учун ташаббускори бўлган лойиҳанинг аҳамиятини, унинг транспорт инфратузилмасини ривожлантиришни, сўнгра Жанубий Осиё мамлакатларига киришини таъкидлади”, - дейилади хабарда.

Хитой, шунингдек, Термиз шаҳрида Афғонистон фуқароларини тайёрлаш бўйича таълим марказининг фаолиятига, турли соҳаларда қўшма лойиҳаларни амалга оширишда иштирок этишни режалаштирмоқда.

Бундан ташқари, Бишкек шаҳрида (Қирғизистон) “ШҲТ-Афғонистон” Контакт гуруҳининг навбатдаги мажлисида кун тартибига киритилиши режалаштирилган масалалар кўриб чиқилди.

Сурат манбаи: trend.az