Хитой, Россия ва Қозоғистон Ўзбекистон ташқи савдо айланмасининг 41,9% ни таъминлайди

Тошкент. 31 октябрь. ЎзТАГ – Хитой, Россия ва Қозоғистон Ўзбекистоннинг барча ташқи савдо айланмасининг 41,9% (мувофиқ тарзда 18,7%, 14,9% ва 8,3%)ни таъминлайди, деб хабар беради Ўзбек телеграф агентлиги (ЎзТАГ) Давлат статистика қўмитаси маълумотларига асосланиб.

"Ўзбекистон дунёнинг 181 дан ортиқ мамлакати билан савдо алоқаларини амалга оширади. Ташқи савдо айланмасининг энг юқори ҳажми Хитой (18,7%), Россия Федерацияси (14,9%), Қозоғистон (8,3%), Корея Республикаси (6,6%), Туркия (5,8%), Германия (2,4%) ва Қирғизистон (2,0%) билан қайд этилди", – дейилади Ўзбекистон Республикаси давлат статистика қўмитаси хабарида.

2019 йилнинг январь-сентябрь ойларида ташқи савдо айланмаси $31645,8 млнни ташкил этди ва ўтган йилнинг шу даврига нисбатан $8577,1 млнга ёки 37,2% га ошди. Бу рақамдан экспорт $13677,0 млнга етди (ўсиш суръати – 45,5%), импорт эса $17968,8 млнга (ўсиш суръати – 31,5%) етди. Ташқи савдо айланмасининг $4291,7 млн пассив баланси қайд этилди.

Сурат манбаи: uza.uz