Хитойлик амалдор Ўзбекистон ва ШҲТнинг бошқа аъзоларини терроризм билан курашни кучайтиришга чақирди

Тошкент. 16 июн. ЎзТАГ – Хитой Коммунистик партияси МҚ Сиёсий-юридик комиссиясининг котиби, ҳуқуқни ҳимоя қилиш соҳасини идора қилувчи Мэн Цзяньчжу Ўзбекистон ва ШҲТнинг бошқа аъзоларини терроризм билан курашни кучайтиришга чақирди, дея хабар беради Ўзбек телеграф агентлиги (ЎзТАГ) Хитой Марказий Телевидениясига (ХМТ) асосланган ҳолда.
ХМТ хабарига кўра, Мэн Цзяньчжу Тяньаньмэнь майдонидаги террористик акт орқасида “Шарқий Туркистон Ислом ҳаракати” террористик гуруҳи турибди, деб баёнот берди. У ШҲТ аъзо мамлакатларни терроризм билан курашишни кучайтиришга чақирди. “Жиноятчилар ёнидан 40 минг юань пул, жип машинаси, бир неча пичоқлар ва 400 литр бензин чиқди, улар уч марта турган жойларини ўзгартирганлар”, - дейилади ХМТ репортажида.
Эслатиб ўтамизки, 2013 йилнинг 28 октябрида маҳаллий вақт билан соат 12:00да Пекинда Тяньаньмэнь майдонида жип йўлдан четга чиқиб, ортида пиёдалар бўлган кўча тўсиғига урилган. Шундан кейин машина ёниб кетган. Натижада ҳайдовчи ва икки йўловчи ҳалок бўлганлар, шунингдек, йўл ҳодисаси оқибатида яна беш киши ҳалок бўлиб, 38 киши жароҳатланган.
Бугун Шинжон Уйғур автоном туманидаги Урумчи шаҳар ўрта бўғин суди Тяньаньмэнь майдонидаги терактнинг уч иштирокчисини ўлим жазосига, биттасини бир умр қамоқ жазосига ҳукм қилди. Қолган тўрт иштирокчи 5 йилдан 20 йилгача озодликдан маҳрум этилди.